Լևերկուզենի «Բայերի», Դորտմունդի «Բորուսիայի», «Շտուտգարտի» և Գերմանիայի հավաքականի նախկին կիսապաշտպան Գոնսալո Կաստրոն հայտարարել է մարզական կարիերան ավարտելու մասին:
Հուլիսի 1-ից 35-ամյա ֆուտբոլիստը գերմանական «Արմինիայի» հետ պայմանագրի ժամկետի ավարտից հետո ազատ գործակալի կարգավիճակ ուներ:
Հիշեցնենք, որ կարիերայի ընթացքում Կաստրոն Բունդեսլիգայում անցկացրել է 421 հանդիպում, դարձել 38 գոլի և 80 գոլային փոխանցման հեղինակ։ Գերմանիայի հավաքականի կազմում նա անցկացրել է 5 հանդիպում:
