«Բարսելոնան» կիսապաշտպան Դանի Օլմոյին ու հարձակվող Պաու Վիկտորին մրցաշրջանի երկրորդ կեսի համար գրանցելու թույլտվություն կստանա, հաղորդում է Cadena SER-ը:
Կատալոնական ակումբը Լա լիգայից ու Իսպանիայի ֆուտբոլի ֆեդերացիայից մերժում ստանալուց հետո դիմել էր Մարզական բարձրագույն խորհուրդ (CSD):
Մինչև վերջնական որոշումը ֆուտբոլիստները կհայտավորվեն մրցաշարին, քանի որ CSD-ն ընդունել է՝ «Բլաուգրանայի» հայցն իրավական հիմք ունի:
Իսպանացի ֆուտբոլիստների վերաբերյալ վերջնական որոշում կայացնելու համար CSD-ն 3 ամիս ժամանակ ունի: Այդ ընթացքում նրանք պետք է ուսումնասիրեն 52 էջից բաղկացած փաստաթուղթը:
