Գերմանիայի ֆուտբոլային լիգան (DFL) հրաժարվել է ներքին ներդրողների հետ պայմանագիր կնքելու մտքից, հաղորդում է կազմակերպության մամուլի ծառայությունը։

Նման որոշում է կայացվել DFL-ի արտահերթ նիստում։ Պատճառը երկրպագուների շրջանում առաջացած մեծ դժգոհությունն է։ DFL-ն դադարեցրել է ներդրողների հետ բանակցությունները։

Ավելի վաղ լուրեր էին շրջանառվում, որ ներդրողները պատրաստ են 1-2 միլիարդ եվրո հատկացնել Բունդեսլիգայի ու ակումբների զարգացման համար։

Վերջին շրջանում երկրպագուները բողոքի ակցիաներ էին անցկացնում Գերմանիայի առաջնության խաղերի ժամանակ՝ դեմ արտահայտվելով ներքին ներդրողների գալուն։ Ակցիաների պատճառով հանդիպումները դադարեցվում էին։