Իտալացի լեգենդար դարպասապահ Ջիջի Բուֆոնի որդին բացատրել է, թե ինչու է ընտրել Չեխիայի մինչև 18 տարեկանների հավաքականը:
«Ինձ համար հետաքրքիր էր այլ ֆուտբոլային մշակույթին ծանոթանալը: Հիանալի հարաբերություններ ունեմ թիմակիցներիս հետ, այստեղ նույնպես ինձ երջանիկ եմ զգում:
Խոսեցի ընտանիքիս հետ, միասին հասկացանք, որ զարգանալու համար լավ կլինի հանդես գալ Չեխիայի հավաքականում: Մայրս երջանիկ էր, հայրս նույնպես աջակցեց ինձ:
Դեռ այդքան էլ լավ չեմ խոսում չեխերեն, բայց աշխատում եմ լեզուն արագ յուրացնելու ուղղությամբ:
Շնորհակալ եմ հրավերի համար, շնորհակալ եմ մարզչական շտաբին ու «Պիզայում» իմ խաղընկերներին, քանի որ առանց նրանց ես նման մակարդակի չէի հասնի»,- Լուի Բուֆոնի խոսքը մեջբերում է Չեխիայի ֆուտբոլի ֆեդերացիայի մամուլի ծառայությունը:
Լուի Բուֆոնի մայրը չեխ հանրահայտ մոդել Ալյոնա Շերեդովան է, որը «Միս Չեխիա-98» մրցույթում զբաղեցրել է երկրորդ տեղը:
