Մյոնխենգլադբախի «Բորուսիայի» մարզական տնօրեն Ռոլան Վիրկուսը հայտարարել է, որ ֆրանսիացի հարձակվող Մարկուս Թյուրամն ընթացիկ մրցաշրջանի ավարտից հետո կհեռանա գերմանական ակումբից:
«Մենք պետք է հաշտվենք այն փաստի հետ, որ նա կմիանա ավելի մեծ ակումբի»,- Ռոլան Վիրկուսի խոսքը մեջբերում է L'Equipe-ը։
Ավելի վաղ ֆուտբոլային ինսայդեր Ֆաբրիցիո Ռոմանոն հայտնել էր, որ Ֆրանսիայի հավաքականի 25-ամյա հարձակվողը կտեղափոխվի Միլանի «Ինտեր»:
Հիշեցնենք, որ ֆրանսիացի լեգենդար պաշտպան Լիլիան Թյուրամի որդին հունիսի 30-ին կդառնա ազատ գործակալ: Ֆրանսիացին 2019 թվականի հուլիսից է խաղում գերմանական ակումբում, որի կազմում ընթացիկ մրցաշրջանում մասնակցել է 22 հանդիպման, դարձել 14 գոլի և չորս ասիստի հեղինակ:
