Անգլիական «Մանչեսթեր Յունայթեդի» ավագ Բրունու Ֆեռնանդեշն արձագանքել է ակումբի համասեփականատեր Ջիմ Ռեթքլիֆի հայտարարությանը:
«Իհարկե, տհաճ է նման բաներ լսելը: Չեմ կարծում, թե խաղացողներին հաճելի է լսել, որ իրենց հենց այնպես են բարձր աշխատավարձ վճարում: Յուրաքանչյուրն իր պայմանագիրն ունի և փորձում է ապացուցել, որ օգտակար է ակումբին:
Մենք չենք կարող լիցքաթափվել, քանի որ այստեղ բարձր ստանդարտներ են գործում: Հարկավոր է կենտրոնանալ և ինքնակատարելագործվել»,- պորտուգալացի ֆուտբոլիստի խոսքը մեջբերում է The Guardian-ը:
Ավելի վաղ անգլիացի միլիարդատերը հայտարարել էր, որ որոշ ֆուտբոլիստներ չեն համապատասխանում «Ման. Յունայթեդի» մակարդակին և բարձր աշխատավարձ են ստանում:
Հիշեցնենք, որ «Մանչեսթեր Յունայթեդը» Եվրոպա լիգայի 1/8 եզրափակիչի պատասխան խաղում 4-1 հաշվով հաղթել էր իսպանական «Ռեալ Սոսյեդադին», իսկ Բրունու Ֆեռնանդեշը ձևակերպել էր հեթ-տրիկ:
