Բելգիայի գավաթ, կիսաեզրափակիչ, 1-ին խաղ
«Գենտ» 0-1 «Բրյուգե»
Գոլը՝ Դե Կետելարե 56՛
Հեռացում՝ Ջեք Հենդրի 59՛, «Բրյուգե»
Չիրացված 11մ՝ Դե Սարտ 50՛, «Գենտ»
Փետրվարի 6-ին «Բրյուգեն» արդեն Բելգիայի առաջնության շրջանակում կընդունի «Գենտին», իսկ գավաթային կիսաեզրափակիչի պատասխան խաղը կկայանա մարտի 2-ին: Զույգի հաղթողը եզրափակիչում կմրցի «Էյպեն» - «Անդերլեխտ» դիմակայության հաղթողի հետ:
Հայաստանի հավաքականի հարձակվող և «Բրյուգեի» նորեկ՝ Սարգիս Ադամյանը դուրս էր մնացել այս հանդիպմանը թիմի հայտացուցակից: Ակումբի պաշտոնական կայքի հաղորդմամբ՝ պատճառն այն է, որ Ադամյանը դեռևս չի ստացել «Բրյուգեի» կազմում խաղեր անցկացնելու իրավունք:
Հիշեցնենք, որ Ադամյանը «Բրյուգեին» միացել է ձմեռային տրանսֆերային պատուհանի ընթացքում՝ «Հոֆենհայմից»: Հայ ֆուտբոլիստը բելգիական ակումբում ելույթ կունենա վարձակալական հիմունքով մինչև ընթացիկ մրցաշրջանի ավարտը: «Բրյուգեն» 28-ամյա Ադամյանի տրանսֆերային իրավունքները ձեռք բերելու պայմանագրային իրավունք ունի:
