Բոսնիա և Հերցեգովինայում ընթացող բռնցքամարտի կրտսեր տարիքի պատանիների Եվրոպայի առաջնությունում Հայաստանն ապահովել է ևս 3 մեդալ՝ ընդհանուր մեդալների թիվը հասցնելով 9-ի՝ հաղորդում է Հայաստանի բռնցքամարտի ֆեդերացիան:
Քառորդ եզրափակիչում հաղթանակներ են տոնել ու կիսաեզրափակիչ դուրս եկել 42 կգ քաշային Վահագն Գալստյանը, 50 կգ քաշային Սպարտակ Նահապետյանը և 80 կգ քաշային Կարեն Պետրոսյանը:
Հայ մարզիկները հաղթել են համապատասխանաբար Իտալիայի, Մոլդվայի և Հունգարիայի ներկայացուցիչներին:
