Հայաստանի 9 ներկայացուցիչներ Բոսնիա և Հերցոգովինայի մայրաքաղաք Սարաևոյում ընթացող բռնցքամարտի Եվրոպայի պատանեկան (Մ16) առաջնությունում դուրս եկան եզրափակիչ:

Կիսաեզրափակիչում հաղթանակ տարան Սիմոն Սիմոնյանը (48 կգ), Առնո Դարչինյանը (50 կգ), Տիգրան Հովսեփյանը (54 կգ), Մարտին Սահակյանը (60 կգ), Ալեքս Պետրոսյանը (63 կգ), Արտյոմ Ստեփանյանը (66 կգ), Սամվել Սիրամարգյանը (75 կգ), աղջիկներից՝ Սյուզաննա Իշխանյանը (46 կգ) և Համեստ Աֆրիկյանը (48 կգ):

Եզրափակիչ չկարողացավ դուրս գալ միայն Հրաչ Խաչատրյանը (+80 կգ), որը բավարարվեց բրոնզե մեդալով:

Եվրոպայի պատանեկան առաջնության եզրափակիչները կանցկացվեն հունիսի 30-ին:

Ֆոտո՝ ՀԲՖ