Չեռնոգորիայի Բուդվա քաղաքում ընթացող բռնցքամարտի կանանց Եվրոպայի առաջնությունում Հայաստանը երրորդ մեդալն ապահովեց: Եկատերինա Սիչևան (54 կգ) քառորդ եզրափակիչում 3-2 հաշվով հաղթեց Ֆինլանդիան ներկայացնող Վիլմա Վիտանեին և դուրս եկավ կիսաեզրափակիչ՝ ապահովելով առնվազն բրոնզե մեդալ:
Անուշ Գրիգորյանը (50 կգ) քառորդ եզրափակիչում 0-5 հաշվով պարտվել է Իտալիան ներկայացնող Ջորդանա Սորենտինոյին և դուրս մնացել պայքարից:
Ավելի ուշ կիսաեզրափակիչի ուղեգրի համար կպայքարի նաև Էլիդա Քոչարյանը (60 կգ), որի մրցակիցը քառորդ եզրափակիչում կլինի չեխ Լենկա Բերնարդովան:
Հիշեցնենք, որ հոկտեմբերի 18-ին կիսաեզրափակիչ էին դուրս եկել և առնվազն բրոնզե մեդալ ապահովել նաև Սոնա Հարությունյանը (63 կգ) և Անի Հովսեփյանը (69 կգ): Հայաստանը նախկինում երբեք մեդալ չէր նվաճել բռնցքամարտի կանանց մեծահասակների Եվրոպայի առաջնությունում:
