Բասկետբոլի Հայաստանի հավաքականի նախկին խաղացող, ամերիկացի Ռայան Բոթրայթը տեղափոխվել է ռուսական «Ավտոդոր», հաղորդում է ակումբի մամուլի ծառայությունը:

29-ամյա բասկետբոլիստն ու Սարատովը ներկայացնող ակումբը ստորագրել են 1 տարվա համաձայնագիր:

Հիշեցնենք, որ Բոթրայթը 2019/2020 մրցաշրջանում խաղացել էր «Ավտոդորի» կազմում:

Նախորդ մրցաշրջանն ամերիկացի բասկետբոլիստն անցկացրել էր Ֆրանսիայի առաջնությունում ելույթ ունեցող «Փարիզ» ակումբում: Միջինը մեկ խաղում վաստակել է 12,1 միավոր, կատարել 4,8 արդյունավետ փոխանցում, տիրել 2,6 անդրադարձի և իրականացրել 1 խլում։