Բռնցքամարտի կիսածանր քաշային կարգի նախկին բացարձակ չեմպիոն Դմիտրի Բիվոլը կարծիք է հայտնել Արթուր Բետերբիևի դեմ կայանալիք ռևանշի մասին:
«Ռևանշի մենամարտը տարբերվելու է: Այն ավելի հետաքրքիր կլինի երկրպագուների համար, որովհետև արդեն ճանաչում ենք միմյանց և ավելի լավ ենք պատրաստվելու մենամարտին»,- Fight Hub TV-ի եթերում ասել է ռուս բռնցքամարտիկը:
Բիվոլ – Բետերբիև ռևանշը կկայանա փետրվարի 22-ին: Աշխարհի բացարձակ չեմպիոնի համար նրանց առաջին մենամարտում մրցավարների որոշմամբ հաղթել էր Բետերբիևը: