Հայաստանի ազգային հավաքականի կիսապաշտպան Վահան Բիչախչյանը Շեցինի «Պոգոնի» կազմում գոլային փոխանցման հեղինակ է դարձել Լոձի «Վիձևի» դեմ Լեհաստանի առաջնության երկրորդ տուրի խաղում (2-1):

24-ամյա ֆուտբոլիստը, խաղադաշտ է դուրս գալով տանտերերի մեկնարկային կազմում, 47-րդ րոպեին օգնել է աչքի ընկնել սլովենացի հարձակվող Լուկա Զահովիչին:

63-րդ րոպեին հայ կիսապաշտպանը փոխարինվել է: 

Հիշեցնենք, որ Վահան Բիչախչյանը լեհական ակումբի գույները պաշտպանում է 2022 թվականի հունվարից և անցկացրած 53 խաղում խփել է 9 գոլ, կատարել 4 ասիստ:

Լեհաստանի առաջնություն, երկրորդ տուր

«Պոգոն» - «Վիձև»՝ 2-1

Լուկա Զահովիչ, 47, Էֆտիմիս Կուլուրիս, 65 - Բարտոմեյ Պավլովսկի, 4