Մադրիդի «Ռեալի» և Ուելսի ազգային հավաքականի նախկին հարձակվող Գարեթ Բեյլը կարծում է, որ ՈւԵՖԱ-ի Չեմպիոնների լիգայի պատմության լավագույն ֆուտբոլիստը «Ոսկե գնդակի» 5-ակի դափնեկիր Կրիշտիանու Ռոնալդուն է:
«Վստահորեն կասեմ, որ Ռոնալդուն Չեմպիոնների լիգայի պատմության լավագույն խաղացողն է։
Անկեղծ ասած՝ չկան այլ ֆուտբոլիստներ, որոնց հետ կցանկանայի խաղալ Չեմպիոնների լիգայում։ Կարծում եմ, որ մեր թիմը համալրված էր գերազանց խաղացողներով»,- Բեյլի խոսքը մեջբերում է Marca-ն:
Բեյլն ու Ռոնալդուն միասին «Ռեալում» խաղացել էին 2013-2018 թվականներին: Բեյլը «Ռեալի» հետ 5 անգամ հաղթել է Չեմպիոնների լիգայում, Ռոնալդուն չորս անգամ գլխավոր եվրագավաթը նվաճել է «Ռեալի» հետ, մեկ անգամ՝ անգլիական «Մանչեսթեր Յունայթեդի»:
Սաուդյան Արաբիայի «Ալ Նասրի» պորտուգալացի հարձակվողը եվրոպական Չեմպիոնների լիգայի պատմության լավագույն ռմբարկուն է, 183 խաղում խփել է 140 գոլ:
Հիշեցնենք, որ «Արքայական ակումբը» հունիսի 1-ին Չեմպիոնների լիգայի եզրափակիչում կմրցի Դորտմունդի «Բորուսիայի» դեմ: Հանդիպումը կկայանա Լոնդոնի «Ուեմբլի» ստադիոնում, կմեկնարկի Երևանի ժամանակով 23:00-ին և կցուցադրվի Fast Sports հեռուստաալիքի ուղիղ եթերում: Fast Media-ն եվրոպական ակումբային ամենահեղինակավոր մրցաշարի վճռորոշ խաղը կլուսաբանի մրցավայրից:
