Ուելսի հավաքականի և «Ռեալի» նախկին աստղ Գարեթ Բեյլը խոստովանել է, որ միշտ վախեցել է սնանկանալուց, հայտնում է Daily Mail-ը:
«Կարդում ես հոդվածներ մարզիկների մասին, որոնք ավարտել են իրենց կարիերան ու սնանկացել: Այդ միտքն ինձ միշտ վախեցրել է: Նրանք չգիտեն՝ ինչպես ծախսել իրենց գումարը, ինչպես տնօրինել այն: Շատ մարզիկներ շքեղ կենսակերպ են վարում, ինչն անելուց ես միշտ հրաժարվել եմ: Միշտ մտածել եմ, թե ինչ եմ անելու ֆուտբոլից հետո:
Երբ ավարտում ես կարիերադ, քեզ այլևս չեն վճարում: Ինչպե՞ս են դրանից հետո մարդիկ կառուցում իրենց կյանքը: Ես փորձում եմ բաշխել իմ միջոցները: Մտադիր եմ տարբեր ներդրումներ կատարել, ու եթե այդ ներդրումներից մեկը ձախողվի, ես կիմանամ, որ ամեն ինչ չեմ կորցրել»,- ասել է Բեյլը:
