Աշխարհի 82-րդ ռակետ Մատեո Բերետինին հաղթել է Գշտադի ATP-250 շարքի մրցաշարում։

Եզրափակիչում 28-ամյա իտալացի թենիսիստը 6-3, 6-1 հաշվով առավելության է հասել Կենտեն Գալիի (Ֆրանսիա, 192-րդ ռակետ) նկատմամբ։ Մրցախաղը տևել է 1 ժամ 2 րոպե։

Բերետինին նվաճել է կարիերայի 9-րդ տիտղոսը։ Թենիսիստը ATP դասակարգման աղյուսակում կստանա 250 միավոր, հերթական թարմացումից հետո դիրքը կբարելավի 32 կետով ու կբարձրանա 50-րդ տեղ։