«Ալ Իթիհադի» հարձակվող Կարիմ Բենզեման կարող է մինչև ձմեռային տրանսֆերային պատուհանի փակվելը տեղափոխվել «Ալ Նասր», հաղորդում է AS-ը։
Ֆրանսիացի հարձակվողը խոսել է Ռիյադը ներկայացնող ակումբի հետ։ «Ալ Նասրում» է հանդես գալիս Բենզեմայի նախկին թիմակից Կրիշտիանու Ռոնալդուն։ Ֆուտբոլիստները միասին խաղացել են Մադրիդի «Ռեալում»։
«Ոսկե գնդակի» 2022 թվականի դափնեկիրը գոհ չէ թիմում իր կարգավիճակից և ցանկանում է հեռանալ։ «Ալ Իթիհադը» պատրաստ է Բենզեմային բաց թողնել միայն Սաուդյան Արաբիան ներկայացնող թիմ։
Հաղորդվում է, որ «Ալ Իթիհադի» գլխավոր մարզիչ Մարսելո Գալյարդոն սառեցրել է հարաբերությունները Բենզեմայի հետ։
