Մադրիդի «Ռեալի» ֆրանսիացի հարձակվող Կարիմ Բենզեման կարող է դառնալ անգլիական «Մանչեսթեր Յունայթեդի» ֆուտբոլիստ, հայտնում է El Nacional-ը:
34-ամյա ֆուտբոլիստը պատրաստ է մոտ ապագայում դիտարկել կարիերան Անգլիայում շարունակելու տարբերակը, սակայն նրա համար առավել նախընտրելի տարբերակ է «Ռեալի» հետ պայմանագրի երկարաձգումը:
Բենզեմայի գործող պայմանագիրն ուժի մեջ է մինչև 2023 թվականի հունիսի 30-ը: Եթե մրցաշրջանի ավարտից հետո նոր պայմանագիր չկնքվի, ապա ֆրանսիացին բանակցություններ կվարի «Մանչեսթեր Յունայթեդի» հետ:
Ավելի վաղ հաղորդվում էր, որ Բենզեմայի պայմանագիրն ավտոմատ կերկարաձգվի մեկ տարով, եթե նա դառնա «Ոսկե գնդակի» դափնեկիր: Նա մրցանակի գլխավոր հավակնորդն է:
Ընթացիկ մրցաշրջանում Բենզեման մասնակցել է 9 խաղի, խփել 4 գոլ, կատարել 1 գոլային փոխանցում: Transfermarkt-ը 30 միլիոն եվրո է գնահատում ֆրանսիացու տրանսֆերային արժեքը:
