Մադրիդի «Ռեալի» գլխավոր մարզիչ Կառլո Անչելոտին ներկայացրել է թիմի հայտացուցակը «Ռեալ Սոսյեդադի» դեմ Լա լիգայի 33-րդ տուրի արտագնա հանդիպման համար, հայտնում է ակումբի մամուլի ծառայությունը:

«Արքայական ակումբի» հայտացուցակում չի ընդգրկվել անգլիացի կիսապաշտպան Ջուդ Բելինգեմը, որը կատալոնական «Բարսելոնայի» դեմ Իսպանիայի առաջնության 32-րդ տուրի տնային խաղի ավելացված ժամանակում դարձել էր հաղթական գոլի հեղինակ (3-2):

«Ռեալի» հայտացուցակը «Ռեալ Սոսյեդադի» դեմ հանդիպման համար

Դարպասապահներ. Անդրեյ Լունին, Կեպա Արիսաբալագա, Ֆրան Գոնսալես:

Պաշտպաններ. Դանի Կարվախալ, Էդեր Միլիտաո, Նաչո Ֆերնանդես, Լուկաս Վասկես, Ֆրան Գարսիա, Անտոնիո Ռյուդիգեր։

Կիսապաշտպաններ. Տոնի Կրոս, Լուկա Մոդրիչ, Էդուարդո Կամավինգա, Ֆեդերիկո Վալվերդե, Օրելյեն Չուամենի, Դանի Սեբալյոս, Արդա Գյուլեր, Բրահիմ Դիաս:

Հարձակվողներ. Վինիսիուս, Ռոդրիգո, Խոսելու:

«Ռեալ Սոսյեդադ» - «Ռեալ» խաղը տեղի կունենա ապրիլի 26-ին, կմեկնարկի Երևանի ժամանակով 23:00-ին և կցուցադրվի Fast Sports հեռուստաալիքով:

Հիշեցնենք, որ Անչելոտիի թիմը 81 միավորով Լա լիգայի առաջատարն է, 11 միավորով է գերազանցում երկրորդ տեղում գտնվող գործող չեմպիոն «Բարսելոնային»: