Մյունխենի «Բավարիան», Չեմպիոնների լիգայի խմբային փուլի երրորդ տուրում 5-0 հաշվով տնային հաղթանակ տանելով չեխական «Վիկտորիա Պլզենի» նկատմամբ, սահմանել է ռեկորդ։
Գերմանական ակումբը նախորդ անգամ Չեմպիոնների լիգայի խմբային փուլում պարտվել է 2017 թվականին: Դրանից հետո «Բավարիան» տարել է 28 հաղթանակ և խաղացել 3 ոչ-ոքի՝ սահմանելով գլխավոր եվրոպական ակումբային մրցաշարի խմբային փուլի անպարտելիության ռեկորդ, հայտնում է Opta-ն:
Չեմպիոնների լիգայի 3 տուրերից հետո «Բավարիան» 9 միավորով C խմբի առաջատարն է։ «Ինտերը» 6 միավորով երկրորդն է, կատալոնական «Բարսելոնան» ունի 3 միավոր, իսկ «Վիկտորիա Պլզենը» կրել է 3 պարտություն։
Չեմպիոնների լիգայի հաջորդ տուրում «Բավարիան» կրկին կմրցի «Վիկտորիա Պլզենի» հետ: Խաղը կկայանա հոկտեմբերի 12-ին Չեխիայում:
