Մյունխենի «Բավարիայի» և Շվեյցարիայի հավաքականի դարպասապահ Յան Զոմերը կարիերան կշարունակի Միլանի «Ինտերում», հաղորդում է ակումբի մամուլի ծառայությունը։
34-ամյա դարպասապահը երկու տարվա պայմանագիր է կնքել իտալական ակումբի հետ։
Յան Զոմերը 2022 թվականին էր Մյոնխենգլադբախի «Բորուսիայից» տեղափոխվել «Բավարիա», որի կազմում 2022/23 մրցաշրջանում մասնակցել է 36 խաղի, բաց թողել 45 գոլ: Transfermarkt-ը 5 միլիոն եվրո է գնահատում նրա տրանսֆերային արժեքը:
Հիշեցնենք, որ այս ամռանն «Ինտերից» հեռացել էր կամերունցի դարպասապահ Անդրե Օնանան, որը տեղափոխվել է անգլիական «Մանչեսթեր Յունայթեդ»:
