«Բավարիան» որոշել է գնել Դորտմունդի «Բորուսիայի» եզրային հարձակվող Ջեյմի Գիտենսին:
Ինսայդեր Ֆլորիան Պլետենբերգը գրում է, որ մյունխենյան ակումբը բոլոր անհրաժեշտ տեղեկությունները հավաքել է 20-ամյա ֆուտբոլիստի մասին: Թիմի գլխավոր մարզիչ Վենսան Կոմպանին ու մարզական տնօրեն Մաքս Էբրելը հիացած են անգլիացու խաղով:
«Բավարիան» ծրագրում է գործարքը կատարել 2025-ի ամռանը: Տեղափոխության համար կարևոր կլինի, որ Գիտենսը «Բորուսիային» խնդրի բաց թողնել իրեն:
Ընթացիկ մրցաշրջանի 23 խաղում վինգերը խփել է 9 գոլ ու կատարել 4 ասիստ:
