Կատալոնական «Բարսելոնայի» իսպանացի կիսապաշտպան Գավին դատարանի որոշմամբ ազատ գործակալի կարգավիճակում կարող է հեռանալ թիմից, հայտնում է The Athletic-ը։

Դատարանը չի հաստատել Իսպանիայի հավաքականի 18-ամյա ֆուտբոլիստի նոր պայմանագիրը: Գավիի գործող պայմանագրի ժամկետը կավարտվի հունիսի 30-ին:

Հիշեցնենք, որ «Բարսելոնայի» սան Գավին գլխավոր թիմում խաղում է 2021 թվականի հուլիսից: Ընթացիկ մրցաշրջանում իսպանացին կատալոնական գրանդի կազմում անցկացրած 37 խաղում դարձել է երկու գոլի և 5 գոլային փոխանցման հեղինակ: