«Բարսելոնան» հետաքրքրված է Մադրիդի «Ատլետիկոյի» ֆուտբոլիստ Ժոաու Ֆելիշի ծառայություններով:
Goal-ի հաղորդմամբ՝ կատալոնական ակումբը գործակալ Ժորժե Մենդեշի միջնորդությամբ վարձակալական պայմանագրի առաջարկ է կատարել «Ատլետիկոյին»: Առաջարկը, սակայն, մերժվել է:
Մադրիդյան կողմը հրաժարվել է բանակցություններ վարել թիմի առանցքային ֆուտբոլիստներից մեկի տեղափոխության վերաբերյալ տրանսֆերային պատուհանի վերջին օրը: «Ատլետիկոյից» հստակ հասկացրել են, որ չեն պատրաստվում հրաժարվել Ֆելիշի ծառայություններից, քանի որ նրան համարում են թիմի հաջողությունների բանալին:
Հիշեցնենք, որ «հնդկացիները» Ֆելիշի տրանսֆերային իրավունքները ձեռք են բերել 2019 թվականին 126 մլն եվրոյով: Լա լիգայում անցկացրած 56 խաղում պորտուգալացին դարձել է 13 գոլի և 6 գոլային փոխանցման հեղինակ:
