«Բարսելոնան» մտադիր է ձեռք բերել անգլիական «Նյուքասլի» հարձակվող Ալեքսանդր Իսակին, հայտնում է Mundo Deportivo-ն։

«Բլաուգրանայում» Իսակին համարում են հարձակման գծի ամրապնդման ամենահարմար տարբերակ։ Կատալոնական ակումբի ղեկավարները նրան նախընտրում են Լիսաբոնի «Սպորտինգի» հարձակվող Վիկտոր Դյոկերեշից։

«Բարսելոնան» ցանկանում է ձեռք բերել այնպիսի ֆուտբոլիստի, որը ձախ եզրից տեղաշարժվում է կնետրոն և գոլեր խփում։

Նման ոճի ֆուտբոլիստներից ակումբը հետաքրքրված է նաև Ռաֆայել Լեաուի («Միլան»), Լուիս Դիասի («Լիվերպուլ») և Մարկուս Ռեշֆորդի («Մանչեսթեր Յունայթեդ») ծառայություններով։

25-ամյա Իսակն Անգլիայի Պրեմիեր լիգայի ընթացիկ մրցաշրջանում 18 խաղում խփել է 13 գոլ, կատարել 4 ասիստ։