Կատալոնական «Բարսելոնան» Իսպանիայի Լա լիգայի 14-րդ տուրում Վիգոյում հյուրընկալվեց «Սելտային» և բաց թողեց երկու գոլի առավելությունը` 2-2:
«Բարսելոնայից» գոլի հեղինակ դարձան բրազիլացի վինգեր Ռաֆինյան և լեհ հարձակվող Ռոբերտ Լևանդովսկին: 36-ամյա Լևանդովսկին 15 գոլով Իսպանիայի ընթացիկ առաջնության լավագույն ռմբարկուն է:
Հյուրերից 82-րդ րոպեին երկրորդ դեղին քարտը ստանալուց հետո խաղադաշտից հեռացվեց իսպանացի կիսապաշտպան Մարկ Կասադոն: Երկու րոպե անց ֆրանսիացի պաշտպան Ժյուլ Կունդեն սեփական դարպասի մոտ կորցրեց գնդակը, «Սելտայի» իսպանացի հարձակվող Ալֆոն Գոնսալեսը կրճատեց հաշիվը: Եվս երկու րոպե անց էլ տանտերերը գեղեցիկ գրոհ ձեռնարկեցին և հավասարեցրին հաշիվը, Ինյակի Պենյայի դարպասը գրավեց իսպանացի կիսապաշտպան Ուգո Ալվարեսը:
Գերմանացի Հանս-Դիտեր Ֆլիկի գլխավորած թիմը 34 միավորով առաջատարն է, 5 միավորով է գերազանցում երկրորդ տեղում գտնվող Մադրիդի «Աթլետիկոյին», 7 միավորով` գործող չեմպիոն «Ռեալին», որը երկու խաղ քիչ է անցկացրել: «Սելտան» 18 միավորով 11-րդն է:
Իսպանիայի Լա լիգա, 14-րդ տուր
«Սելտա» - «Բարսելոնա»` 2-2
Ալֆոն Գոնսալես, 84, Ուգո Ալվարես, 86 - Ռաֆինյա, 15, Ռոբերտ Լևանդովսկի, 61
Հեռացում` Մարկ Կասադո, 82 («Բարսելոնա»)