Իսպանիայի չեմպիոն «Բարսելոնան» պայմանագիր է կնքել Շվեյցարիայի երիտասարդական հավաքականի պաշտպան Էման Կոշպոյի հետ, հայտնում է ակումբի պաշտոնական կայքը:

16-ամյա ֆուտբոլիստը կատալոնական ակումբին կմիանա ազատ գործակալի կարգավիճակում: Կողմերը կնքել են 3 տարվա պայմանագիր: 

Շվեյցարացին սկզբնական շրջանում ելույթ կունենա «Բարսելոնայի» երկրորդ թիմում:

Կոշպոն Շվեյցարիայի Մ16 հավաքականի կազմում անցկացրել է 12 խաղ ու խփել 1 գոլ: