«Բարսելոնան» արդեն սկսել է գլխավոր մարզիչ Չավիին փոխարինող փնտրել: Կատալոնացի մասնագետը հայտարարել է, որ ընթացիկ մրցաշրջանից հետո լքելու է իր պաշտոնը:
Sport.es-ը գրում է, որ «Բլաուգրանան» 5 մարզիչ է դիտարկում հաջորդ մրցաշրջանի համար: Այդ մասնագետներն են Տյագո Մոտան («Բոլոնիա»), Ռաֆայել Մարկեսը («Բարսելոնա Աթլետիկ»), Ջովանի վան Բրոնկհորստը (նախկինում «Ֆեյենորդ» և «Ռեյնջերս»), Միչել Սանչեսը («Ժիրոնա») և Իմանոլ Ալգուասիլը («Ռեալ Սոսյեդադ»):
Այդ թեկնածուներից երեք՝ Մարկեսը, Վան Բրոնկհորստը և Մոտան, նախկինում խաղացել են կատալոնական թիմում: Ավելի վաղ հայտնի էր դարձել, որ «Բարսելոնայի» մարզական տնօրենի նախընտրելի թեկնածուն Մոտան է:
