«Բարսելոնան» 2023/24 մրցաշրջանն ավարտեց հաղթանակով և իսպանական Լա լիգայի 38-րդ տուրում հյուրընկալվելիս 2-1 հաշվով առավելության հասավ «Սևիլիայի» նկատմամբ։

«Բլաուգրանայի» գոլերը խփեցին լեհ հարձակվող Ռոբերտ Լևանդովսկին և իսպանացի կիսապաշտպան Ֆերմին Լոպեսը։ Անդալուզյան ակումբից աչքի ընկավ մարոկկացի հարձակվող Յուսեֆ Էն Նեսիրին։

Կատալոնական ակումբը Չավիի գլխավորությամբ վերջին խաղից հետո վաստակեց 85 միավոր և առաջնությունն ավարտեց երկրորդ տեղում։ «Սևիլիան» մնաց 41 միավորով և զբաղեցրեց 14-րդ տեղը։

Լա լիգա, 38-րդ տուր

«Սևիլիա» - «Բարսելոնա»` 1-2 

Յուսեֆ Էն Նեսիրի, 31 - Ռոբերտ Լևանդովսկի, 15, Ֆերմին Լոպես, 59