Կատալոնական «Բարսելոնան» հաջորդ մրցաշրջանի ընթացքում պետք է 38 միլիոն եվրո վճարի իսպանացի պաշտպան Ժորդի Ալբային։
Sport.es-ի համաձայն՝ կատալոնացիները տևական ժամանակ աշխատավարձ չեն վճարել 33-ամյա ֆուտբոլիստին։
«Բարսելոնայի» ղեկավարությունը ցանկանում է խուսափել այդ վճարումից՝ ստիպելով իսպանացուն հեռանալ թիմից կամ վարձավճարով, կամ տրանսֆերային իրավունքի վաճառքով։
Ժորդի Ալբայի գործող պայմանագրի ժամկետն ավարտվում է 2024 թվականի ամռանը։ Իսպանիայի ընթացիկ առաջնությունում պաշտպանը մասնակցել է 16 խաղի, դարձել մեկ գոլի ու երեք գոլային փոխանցման հեղինակ։
Ալբան «Բարսելոնայի» սան է, կատալոնական ակումբի գլխավոր թիմ վերադարձել է 2012 թվականին՝ տեղափոխվելով «Վալենսիայից»։ Transfermarkt-ը 5 միլիոն եվրո է գնահատում իսպանացու տրանսֆերային արժեքը:
