«Բարսելոնան» մտադիր է բաժանվել նիդերլանդցի կիսապաշտպան Ֆրենկի դե Յոնգից։
Relevo-ն գրում է, որ 27-ամյա ֆուտբոլիստը չի արձագանքում «Բլաուգրանայի»` պայմանագրի երկարաձգման առաջարկին, այդ պատճառով կատալոնական ակումբը մտադիր է վաճառել նրա տրանսֆերը։
Այդուհանդերձ, չնայած Դե Յոնգը դեռ չի շտապում նոր համաձայնագիր կնքել, նա «Բարսելոնայի» ղեկավարությանն ակումբից հեռանալու ցանկություն չի հայտնել։
«Բարսելոնայի» ու նիդերլանդցու միջև գործող պայմանագիրն ավարտվում է 2026 թ. հունիսի 30-ին։ Կիսապաշտպանն ակումբում հանդես է գալիս 2019 թ. հուլիսից, 220 խաղում խփել 17 գոլ, կատարել 21 ասիստ։