Կատալոնական «Բարսելոնան» Իսպանիայի Լա լիգայի 35-րդ տուրի վերջին խաղում ընդունեց բասկյան «Ռեալ Սոսյեդադին» և հաղթեց 2-0 հաշվով: Գոլի հեղինակ դարձան եզրային հարձակվողներ, իսպանացի Լամին Յամալն ու բրազիլացի Ռաֆինյան:

«Ռեալ Սոսյեդադի» կազմում 79-րդ րոպեին խաղադաշտ է դուրս եկել Ռուսաստանի ազգային հավաքականի կիսապաշտպան Արսեն Զախարյանը:

Չավիի գլխավորած թիմը վաստակեց 76 միավոր և, շրջանցելով այս տուրում միավորներ կորցրած «Ժիրոնային», կրկին բարձրացավ երկրորդ տեղ։ «Ռեալ Սոսյեդադը» 54 միավորով 7-րդն է, մեկ միավոր է զիջում 6-րդ տեղում գտնվող «Բետիսին»:

Իսպանիայի Լա լիգա, 35-րդ տուր

«Բարսելոնա» - «Ռեալ Սոսյեդադ»՝ 2-0

Լամին Յամալ, 40, Ռաֆինյա, 90+3 (11մ)