Խաղի մանրամասները

տուր

01 Հունվար 1970 - 19:56

-

-

Կատարել Խաղադրույք

«Բարսելոնայի» մամուլի ծառայությունն ակումբի ինստագրամյան էջում հրապարակել է թիմի առաջատար Լիոնել Մեսիի լուսանկարը, որն արվել է Լա Լիգայի 30-րդ տուրում «Սևիլիայի» հետ հանդիպումից հետո (0-0) կայացած մարզման ժամանակ:

Ֆուտբոլիստի աջ ոտքի վրա նկատելի են իր նկատմամբ կոշտ խաղի հետևանքով առաջացած սպիներ: Հիշեցնենք՝ անդալուսյան թիմի պաշտպան Դիեգո Կառլոսը խաղի դրվագներից մեկում կոշտ սահանկում էր կատարել արգենտինացու ուղղությամբ՝ հարված հասցնելով նրա աջ ոտքին:

 

Посмотреть эту публикацию в Instagram

 

💪 Keep going! ¡Vamos @leomessi!

Публикация от FC Barcelona (@fcbarcelona) 21 Июн 2020 в 4:55 PDT

Ընդգծենք, որ Մեսիի ու Կառլոսի միջև կոնֆլիկտ էր տեղի ունեցել առաջին խաղակեսի վերջնամասում: Կառլոսը խախտել էր կանոնները Լուիս Սուարեսի նկատմամբ: Մեսին նկատողություն էր արել բրազիլացուն, ինչից հետո ֆուտբոլիստները սկսել էին վիճաբանել: Արգենտինացին հրել էր Կառլոսին, ինչից հետո վերջինս ընկել էր: Սկսվել էր փոքր հրմշտոց, որի հետևանքով մրցավարը դեղին քարտեր էր ցույց տվել Սերխիո Բուսկետսին ու Ֆերնանդոյին:

«Բարսելոնան» Լա Լիգայի ընթացիկ առաջնությունում անցկացրած 30 մրցավեճից հետո վաստակել է 65 միավոր և գլխավորում է մրցաշարային աղյուսակը: 2-րդ հորիզոնականում Մադրիդի «Ռեալն» է (62), որը գործող չեմպիոնի համեմատ մեկ խաղ պակաս է անցկացրել, իսկ լավագույն եռյակը եզրափակում է «Սևիլիան» (52):

«Բարսելոնան» հաստատել է Ֆրենկի դե Յոնգի վնասվածքը

Միացի՛ր հայկական ամենասպորտային Instagram-ին: