Կատալոնական «Բարսելոնան» Իսպանիայի Արքայական գավաթի խաղարկության կիսաեզրափակիչի պատասխան խաղում կընդունի Մադրիդի «Ռեալին»:
«Բարսելոնայի» գլխավոր մարզիչ Չավին և «Ռեալը» մարզող Կառլո Անչելոտին ներկայացրել են թիմերի հայտացուցակները:
«Բարսելոնայի» հայտացուցակից բացակայում են դանիացի պաշտպան Անդրեաս Քրիստենսենը, կիսապաշտպաններ, իսպանացի Պեդրին և հոլանդացի Ֆրենկի դե Յոնգը, ֆրանսիացի եզրային հարձակվող Ուսման Դեմբելեն:
«Արքայական ակումբը» կորուստներ չունի։
Հիշեցնենք, որ դիմակայության առաջին խաղում «Բարսելոնան» Մադրիդում հաղթել էր 1-0 հաշվով: Պատասխան հանդիպումը տեղի կունենա ապրիլի 5-ին «Կամպ Նոու» ստադիոնում և կմեկնարկի Երևանի ժամանակով 23:00-ին:
