Spotify երաժշտական հոսքային ծառայությունը կդառնա «Բարսելոնայի» նոր տիտղոսային հովանավորը։

Կողմերն այսօր կկնքեն պայմանագիր, որը կսկսի գործել հաջորդ մրցաշրջանից՝ տեղեկացնում է RAC1-ին հղում կատարող Diario Sport-ը։ Ըստ այդմ՝ համագործակցության 3 տարիներին «Բարսան» 280 մլն եվրո կստանա Spotify-ից։ Ընկերության խորհրդանիշը կզետեղվի խաղացողների մարզաշապիկներին։

Ավելին՝ Spotify-ը նաև «Կամպ Նոու» մարզադաշտի անվանման նկատմամբ իրավունքներ կստանա։ Ավելի վաղ հաղորդվում էր, որ կատալոնական ակումբը տարեկան շուրջ 57 մլն եվրո է ստանալու Spotify-ից։