Հայաստանի ազգային հավաքականի և Բրատիսլավայի «Սլովանի» կիսապաշտպան Տիգրան Բարսեղյանն ընդգրկվել է Սլովակիայի առաջնության աշնանային հատվածի խորհրդանշական հավաքականում։
31-ամյա ֆուտբոլիստն աշնանային հատվածում 17 խաղում խփել է 14 գոլ, կատարել 3 ասիստ և գլխավորում է լավագույն ռմբարկուների ցուցակը։ Նա այժմ ապաքինվում է Չեմպիոնների լիգայի հիմնական փուլի 6-րդ տուրի Մադրիդի «Աթլետիկոյի» դեմ խաղում (1-3) ստացած մկանային վնասվածքից և բացակայելու է 4-6 շաբաթ։
«Սլովանը» 18 խաղից հետո վաստակել է 44 միավոր ու մրցաշարային աղյուսակի առաջատարն է։ Սլովակիայի առաջնությունը կվերսկսվի փետրվարի 8-ին։
