Հայաստանի ազգային հավաքականի ավագ Տիգրան Բարսեղյանի գոլը լավագույնն է ճանաչվել Սլովակիայի առաջնությունում սեպտեմբերին, հայտնում է Nike Liga-ի պաշտոնական կայքը:
«Դունայսկա Ստրեդայի» դեմ Սլովակիայի առաջնության 8-րդ տուրի հանդիպման 10-րդ րոպեին 32-ամյա ֆուտբոլիստը գեղեցիկ հարվածով բացել էր խաղի հաշիվը:
«Պրեշովի» դեմ Սլովակիայի առաջնության 12-րդ տուրի խաղից առաջ Բարսեղյանին մրցանակը հանձնել է Սլովակիայի հավաքականի նախկին հարձակվող Ռոբերտ Վիտեկը:
Ընթացիկ մրցաշրջանում Բարսեղյանը «Սլովանի» կազմում խփել է 5 գոլ և կատարել 4 գոլային փոխանցում:
