Կատալոնական «Բարսելոնան» հոկտեմբերի 4-ին Չեմպիոնների լիգայի խմբային փուլի 3-րդ տուրում կհյուրընկալվի Միլանի «Ինտերին»:
Չավին ներկայացրել է «Բարսելոնայի» հայտացուցակը, որից դուրս են մնացել պաշտպաններ Ռոնալդ Արաուխոն, Ժյուլ Կունդեն, Էկտոր Բելյերինը, կիսապաշտպան Ֆրենկի դե Յոնգն ու հարձակվող Մեմֆիս Դեպայը:
«Բարսելոնայի» հայտացուցակն «Ինտերի» դեմ խաղի համար
Դարպասապահներ՝ Տեր Շտեգեն, Պենյա, Տենաս:
Պաշտպաններ՝ Պիկե, Քրիստենսեն, Ալոնսո, Ալբա, Գարսիա, Բալդե, Ռոբերտո:
Կիսապաշտպաններ՝ Բուսկետս, Պեդրի, Գավի, Տորե, Կասադո, Կեսիե:
Հարձակվողներ՝ Դեմբելե, Ֆատի, Տորես, Ռաֆինյա, Լևանդովսկի:
Հիշեցնենք, որ 2 տուրից հետո «Բարսելոնան» և «Ինտերը» C խմբում 3-ական միավորով 2-3-րդ տեղերն են բաժանում, առաջատարը 6 միավոր վաստակած Մյունխենի «Բավարիան» է, չեխական «Վիկտորիա Պլզենը» միավոր չունի:
