Դանիացի հարձակվող Մարտին Բրեյթվեյթը հեռանում է կատալոնական «Բարսելոնայից»։

«Կապտանռնագույնները» պաշտոնապես հայտարարել են, որ երկկողմանի համաձայնությամբ խզել են պայմանագիրը 31-ամյա ֆուտբոլիստի հետ։ Պայմանագիրը նախատեսված էր մինչև 2024 թվականը։

Բրեյթվեյթը «Բարսելոնա» էր տեղափոխվել «Լեգանեսից» 2020 թվականի ձմռանը։ Լա լիգայում անցկացրած 44 խաղում նա խփել է 5 գոլ, կատարել 3 գոլային փոխանցում։

Սպասվում է, որ դանիացին կհամալրի կատալոնական «Էսպանյոլի» շարքերը։