Բռնցքամարտի Եվրոպայի կրկնակի չեմպիոն, Եվրոպական խաղերի հաղթող, աշխարհի առաջնության և Օլիմպիական խաղերի բրոնզե մեդալակիր Հովհաննես Բաչկովը հայտնել է, որ պրոֆեսիոնալ ռինգում իր 5-րդ մենամարտը կկայանա ապրիլի 14-ին:
«Կտեսնվենք ապրիլի 14-ին Անգլիայում»,- ինստագրամյան էջում գրել է 30-ամյա բռնցքամարտիկը:
Հիշեցնենք, որ նախորդ տարվա դեկտեմբերին գյումրեցի բռնցքամարտիկը չորրորդ հաղթանակն էր տարել պրոֆեսիոնալ ռինգում՝ Ուզբեկստանի մայրաքաղաք Տաշքենդում կայացած բռնցքամարտի երեկոյի գլխավոր մենամարտում ժամանակից շուտ հաղթելով մեքսիկացի Մարկոս Գոնսալես Բարազային:
