ՈՒԵՖԱ-ի Ազգերի լիգայի անցումային փլեյ-օֆֆի Վրաստան - Հայաստան դիմակայության պատասխան խաղի տոմսերն առցանց վաճառքով մի քանի ժամում սպառվել են, հաղորդում է Վրաստանի հավաքականի մամուլի ծառայությունը:
Խաղը կկայանա Թբիլիսիի «Դինամո Արենայում», որը կարող է ընդունել 54,500 երկրպագուի: Հանդիպումը կանցկացվի մարտի 23-ին և կհեռարձակվի «Ֆասթ Սպորտ»-ի ուղիղ եթերում:
Առաջին խաղը տեղի կունենա մարտի 20-ին Երևանի՝ Վազգեն Սարգսյանի անվան «Հանրապետական» ստադիոնում: Հավաքականների դիմակայության հաղթողը կբարձրանա B դիվիզիոն:
