Ազգերի լիգայի խաղարկության A դիվիզիոնի երկրորդ խմբի 5-րդ տուրում Իտալիայի հավաքականը մրցակցի դաշտում 1-0 հաշվով հաղթեց Բելգիային։

Հանդիպման միակ գոլը 11-րդ րոպեին խփեց անգլիական «Նյուքասլի» կիսապաշտպան Սանդրո Տոնալին։

Խմբի մյուս խաղում Ֆրանսիայի հավաքականը տնային խաղում անսպասելի ոչ-ոքի խաղաց Իսրայելի հետ` 0-0։

Իտալիայի հավաքականը 13 միավորով գլխավորում է երկրորդ խմբի մրցաշարային աղյուսակը, Ֆրանսիան 10 միավորով երկրորդն է, Բելգիան 4 միավորով` երրորդը, իսկ Իսրայելն առաջին միավորը վաստակեց։

Անգլիայի հավաքկաանը B դիվիզիոնի երկրորդ խմբում հյուրընկալվելիս 3-0 հաշվով առավելության հասավ Հունաստանի թիմի նկատմամբ։

«Երեք առյուծներից» աչքի ընկան անգլիական «Ասթոն Վիլայի» հարձակվող Օլի Ուոթքինսը և «Լիվերպուլի» կիսապաշտպան Կյորտինս Ջոնսը, իսկ մրցակցի դարպասապահ Օդիսեաս Վլախոդիմոսը դարձավ ինքնագոլի հեղինակ։

Լի Կարսլիի գլխավորած թիմը միավորների քանակը հասցրեց 12-ի և վերջին տուրից առաջ բարձրացավ առաջին տեղ։ Հույները նույնքան միավորով նահանջեցին երկրորդ տեղ։

C դիվիզիոնի չորրորդ խմբում, որտեղ ընդգրկված է նաև Հայաստանի ազգային հավաքականը, Հյուսիսային Մակեդոնիան ընդունեց Լատվիային և պարտության մատնեց 1-0 հաշվով։

Հաղթանակից հետո հյուսիսմակեդոնացիները վաստակեցին 13 միավոր և ապահովեցին խմբում առաջին տեղը, Ազգերի լիգայի հաջորդ խաղարկությունում հանդես կգան B դիվիզիոնում։ Ֆարերյան կղզիները 6 միավորով երկրորդն է, Հայաստանը 4 միավորով` երրորդը, Լատվիան նույնպես ունի 4 միավոր և եզրափակում է խումբը։

Հիշեցնենք, որ Հայաստանի հավաքականը 5-րդ տուրում Երևանի Վազգեն Սարգսյանի անվան «Հանրապետական» ստադիոնում կայացած խաղում 0-1 հաշվով պարտվել էր Ֆարերյան կղզիներին։

Ազգերի լիգա, A դիվիզիոն, 5-րդ տուր

Երկրորդ խումբ

Բելգիա - Իտալիա` 0-1 (տեսանյութ)

Սանդրո Տոնալի, 11

Ֆրանսիա - Իսրայել` 0-0

B դիվիզիոն

Երկրորդ խումբ

Հունաստան - Անգլիա` 0-3 (տեսանյութ)

Օլի Ուոթքինս, 7, Օդիսեսաս Վլախոդիմոս, 78 (ինքնագոլ), Կյորտինս Ջոնս, 83

C դիվիզիոն

Չորրորդ խումբ

Հյուսիսային Մակեդոնիա - Լատվիա` 1-0 (տեսանյութ)

Նիկոլա Սերաֆիմով, 57