Ֆուտբոլի Իտալիայի ազգային հավաքականն ՈւԵՖԱ-ի Ազգերի լիգայի նոր խաղարկության խմբային փուլի առաջին տուրի կենտրոնական խաղում հյուրընկալվեց աշխարհի փոխչեմպիոն Ֆրանսիային և տպավորիչ կամային հաղթանակի հասավ 3-1 հաշվով:

Փարիզի «Պարկ դե Պրենս» ստադիոնում կայացած A դիվիզիոնի երկրորդ խմբի հանդիպման 14-րդ վայրկյանին Դիդյե Դեշամի գլխավորած թիմից հաշիվը բացեց Ֆրանսիայի չեմպիոն ՊՍԺ-ի վինգեր Բրեդլի Բարկոլան:

30-րդ րոպեին Միլանի «Ինտերի» պաշտպան Ֆեդերիկո Դիմարկոն անգլիական «Նյուքասլի» կիսապաշտպան Սանդրո Տոնալիի` կրնկով կատարած փոխանցումից հետո շքեղ գոլով հավասարեցրեց հաշիվը:

50-րդ րոպեին Լուչիանո Սպալետիի գլխավորած թիմը տպավորիչ հակագրոհ ձեռնարկեց, այն գոլով եզրափակեց «Ինտերի» կիսապաշտպան Դավիդե Ֆրատեզին:

Իտալիայի հավաքականից 74-րդ րոպեին խաղի վերջակետը դրեց «Նապոլիի» հարձակվող Ջակոմո Ռասպադորին` 3-1:

Այս խմբի մյուս խաղում Բելգիայի հավաքականը նույն հաշվով առավելության հասավ Իսրայելի նկատմամբ: Դուբլի հեղինակ դարձավ Անգլիայի չեմպիոն «Մանչեսթեր Սիթիի» կիսապաշտպան Կևին Դե Բրույնեն, մեկ գոլ էլ խփեց բիրմինգհեմյան «Ասթոն Վիլայի» կիսապաշտպան Յուրի Տիլեմանսը:

Ազգերի լիգա, խմբային փուլ, առաջին տուր

A դիվիզիոն, երկրորդ խումբ

Ֆրանսիա - Իտալիա` 1-3 (տեսանյութ)

Բրեդլի Բարկոլա, 1 - Ֆեդերիկո Դիմարկո, 30, Դավիդե Ֆրատեզի, 50, Ջակոմո Ռասպադորի, 74

Բելգիա - Իսրայել` 3-1 (տեսանյութ)

Կևին Դե Բրույնե, 21, 52 (11մ), Յուրի Տիլեմանս, 48 - Տիմոտի Կաստան, 36 (ինքնագոլ)

B դիվիզիոն, երրորդ խումբ

Սլովենիա - Ավստրիա` 1-1 (տեսանյութ)

B դիվիզիոն, չորրորդ խումբ

Իսլանդիա - Չեռնոգորիո` 2-0 (տեսանյութ)

Ուելս - Թուրքիա` 0-0 

C դիվիզիոն, երկրորդ խումբ

Կոսովո - Ռումինիա` 0-3 (տեսանյութ)