Ֆուտբոլի կանանց Իսպանիայի ազգային հավաքականը երկրորդ տարին անընդմեջ դուրս եկավ Ազգերի լիգայի եզրափակիչ։

Կիսաեզրափակիչի պատասխան խաղում Սոնյա Բերմուդեսի գլխավորած թիմը հյուրընկալվելիս Ալեքսիա Պուտելյասի միակ գոլի շնորհիվ 1-0 հաշվով հաղթեց Շվեդիայի թիմին։ Դինակայության առաջին խաղում «Ֆուրիա ռոխան» առավելության էր հասել 4-0 հաշվով։

Կիսաեզրափակիչի մյուս դիմակայությունում մրցում են Ֆրանսիայի ու Գերմանիայի հավաքականները։ Առաջին խաղում 1-0 հաշվով հաղթել են գերմանացիները։

Մրցաշարի երրորդ տեղի հանդիպումն ու եզրափակիչը կկայանան նոյեմբերի 26-ին և դեկտեմբերի 2-ին։ Դիմակայությունները բաղկացած կլինեն կրկին երկու խաղից։ Ազգերի լիգայի գործող հաղթողը հենց Իսպանիայի հավաքականն է։

Կանանց Ազգերի լիգա, կիսաեզրափակիչ, պատասխան հանդիպում

Շվեդիա - Իսպանիա` 0-1 (առաջին հանդիպումը` 0-4)

Ալեքսիա Պուտելյաս, 75