Ֆրանսիայի մայրաքաղաք Փարիզում փետրվարի 8-ին կկայանա ՈՒԵՖԱ Ազգերի լիգայի 2024/25թթ․ մրցաշարի վիճակահանությունը, որը կմեկնարկի Երևանի ժամանակով 21:00-ին ու կցուցադրվի Ֆասթ Մեդիայի ուղիղ եթերում։

ՈւԵՖԱ-ի անդամ 54 երկրների հավաքականները բաժանված են 4 լիգաների՝ հաշվի առնելով 2022/23 թվականների արդյունքները: 

A, B և C լիգաների վիճակահանության արդյունքում կկազմավորվի չորս թիմից բաղկացած չորս խումբ: Յուրաքանչյուր թիմ իր խմբում կանցկացնի 6 հանդիպում:

D լիգայի վիճակահանությամբ կձևավորվի երեք թիմից բաղկացած երկու խումբ: Յուրաքանչյուր հավաքական իր խմբում կանցկացնի 4 հանդիպում:

Հայաստանի ազգային հավաքականն ընդգրկված է C լիգայում, հաղորդում է ՀՖՖ մամուլի ծառայությունը։

Զամբյուղ  1․  Ռումինիա, Շվեդիա, Հայաստան, Լյուքսեմբուրգ

Զամբյուղ  2․  Ադրբեջան, Կոսովո, Բուլղարիա, Ֆարերյան կղզիներ

Զամբյուղ  3․  Հյուսիսային Մակեդոնիա, Սլովակիա, Հյուսիսային Իռլանդիա, Կիպրոս

Զամբյուղ  4․  Բելառուս, Լիտվա/Ջիբրալթար, Էստոնիա, Լատվիա

Հիշեցնենք, որ ՈՒԵՖԱ-ի որոշմամբ Հայաստանի և Ադրբեջանի հավաքականները չեն կարող ընդգրկվել միևնույն խմբում: