ՈւԵՖԱ-ի Ազգերի լիգայի խաղարկությունում ավարտվեց խմբային փուլի նախավերջին` 5-րդ տուրը:

A դիվիզիոնի երրորդ խմբում Գերմանիան տանը 7-0 հաշվով հաղթեց Բոսնիա և Հերցեգովինայի հավաքականին: Բունդեսթիմի կազմում դուբլի հեղինակ դարձան Լևերկուզենի «Բայերի» կիսապաշտպան Ֆլորիան Վիրցը և Մյոնխենգլադբախի «Բորուսիայի» հարձակվող Թիմ Կլայնդինսթը: Մեկական գոլ էլ խփեցին Մյունխենի «Բավարիայի» կիսապաշտպաններ Ջամալ Մուսիալան և Լերոյ Սանեն, Լոնդոնի «Արսենալի» հարձակվող Կայ Հավերցը:

Խմբի մյուս խաղում Նիդերլանդների ազգային հավաքականն ընդունեց Հունգարիային և առավելության հասավ 4-0 հաշվով: Գոլի հեղինակ դարձան Ամստերդամի «Այաքսի» հարձակվող Վութ Վեգհորսթը, անգլիական «Լիվերպուլի» վինգեր Քոդի Գակպոն, Իտալիայի չեմպիոն «Ինտերի» պաշտպան Դենզել Դյումֆրիսը և Թուրինի «Յուվենտուսի» կիսապաշտպան Թյոն Կոպմեյներսը:

Գերմանիան 13 միավորով ապահովեց առաջին տեղը, Նիդերլանդները 8 միավորով ամրագրեց երկրորդ տեղը: Այս հավաքականները պայքարը կշարունակեն փլեյ-օֆֆում:

Ազգերի լիգա, խմբային փուլ, 5-րդ տուր

A դիվիզիոն, երրորդ խումբ

Գերմանիա - Բոսնիա և Հերցեգովինա` 7-0 (տեսանյութ)

Ջամալ Մուսիալա, 2, Թիմ Կլայնդինսթ, 23, 79, Կայ Հավերց, 37, Ֆլորիան Վիրց, 50, 57, Լերոյ Սանե, 66

Նիդերլանդներ - Հունգարիա` 4-0 (տեսանյութ)

Վութ Վեգհորսթ, 21, Քոդի Գակպո, 45+12, Դենզել Դյումֆրիս, 64, Թյոն Կոպմեյներս, 85

B դիվիզիոն, առաջին խումբ

Ալբանիա - Չեխիա` 0-0 

Վրաստան - Ուկրաինա` 1-1 (տեսանյութ)

Ժորժ Միկաուտաձե, 76 - Սոլոմոն Կվերկվելիա, 7 (ինքնագոլ)

B դիվիզիոն, չորրորդ խումբ

Թուրքիա - Ուելս` 0-0 (տեսանյութ)

Չեռնոգորիա - Իսլանդիա` 0-2 (տեսանյութ)

C դիվիզիոն, առաջին խումբ

Ադրբեջան - Էստոնիա` 0-0

Շվեդիա - Սլովակիա` 2-1 (տեսանյութ)

D դիվիզիոն

Անդորրա - Մոլդովա` 0-1 (տեսանյութ)