Ֆորմուլա 1-ի քառակի չեմպիոն, «Ռեդ Բուլի» նիդերլանդցի ավտոարշավորդ Մաքս Ֆերստապենը խոսել է Աբու Դաբիում կայանալիք, մրցաշրջանի եզրափակիչ մրցավազքի մասին, տեղեկացնում է BBC-ն։
«Շատ լուրջ պայքար կա։ Տիտղոսը չնվաճելու դեպքում շատ չեմ տխրի․ գիտեմ, որ իսկապես լավ մրցաշրջան եմ անցկացրել, և դա հիանալի զգացողություն է։ Նույնիսկ եթե պարտվենք, ցավալի չի լինի, որովհետև գիտեմ, թե որտեղ ենք ձախողվել։ Պետք է ընդունենք, որ այս մրցաշրջանում մենք ամենաարագ թիմը չենք»,- ասել է Ֆերստապենը։
Աբու Դաբիի Գրան պրին կկայանա դեկտեմբերի 7-ին ու կհեռարձակվի Fast Sports 1-ի ուղիղ եթերում ու Fast TV հավելվածում (iOS, Android):
