Ամստերդամի «Այաքսը» դադարեցրել է համագործակցությունը մարզական տնօրեն Սվեն Միսլինտատի հետ, հաղորդում է ակումբի մամուլի ծառայությունը:
Որոշման պատճառը վստահության բացակայությունն է՝ պայմանավորված թիմի գրանցած անբավարար արդյունքներով:
Ի դեպ, հենց Սվեն Միսլինտատն էր «Այաքսում» հետաքրքրված Հայաստանի հավաքականի ու ռուսական «Կրասնոդարի» կիսապաշտպան Էդուարդ Սպերցյանի տրանսֆերային իրավունքը ձեռք բերելու հեռանկարով:
Միսլենտատն ակումբի մարզական տնօրենի պաշտոնը ստանձնել էր 2023 թվականի մայիսին: Այս ընթացքում թիմն անցկացրել է 4 խաղ, որոնցում վաստակել է ընդամենը 5 միավոր:
