«Մելբուրն Սիթի» - «Մելբուրն Վիկտորի» Ավստրալիայի առաջնության խաղը հետաձգվել է երկրպագուների ու ֆուտբոլիստների զանգվածային ծեծկռտուքի պատճառով, հայտնում է Fox Sports-ը:
«Մելբուրն Սիթին» 1-0 հաշվով հաղթելիս է եղել, երբ երկրպագուները ներխուժել են խաղադաշտ ու աղբի դույլով հարվածել տանտերերի դարպասապահ Թոմ Գլովերին: Դրանից հետո սկսվել է զանգվածային բախում ֆուտբոլիստների ու երկրպագուների միջև:
Գլխավոր մրցավարը որոշել է դադարեցնել խաղը: Հանդերձարանում բժիշկներն օգնություն են ցուցաբերել ուղեղի ցնցում ստացած դարպասապահին:
