Ուզբեկստանի Սամարղանդ քաղաքում ավարտվել է արագ շախմատի աշխարհի առաջնությունը, որտեղ հայ շախմատիստներից լավագույն արդյունքը գրանցեց Շանթ Սարգսյանը՝ վաստակելով 8 միավոր: Չեմպիոնի տիտղոսը նվաճեց Մագնուս Կառլսենը, որը 13 հնարավորից վաստակեց 10 միավոր:
Հայաստանի մյուս ներկայացուցիչներից Տիգրան Պետրոսյանը վաստակեց 7.5 միավոր, Ռոբերտ Հովհաննիսյանը և Սամվել Տեր-Սահակյանը՝ 7-ական:
Կանանց առաջնությունում չեմպիոն դարձավ Անաստասիա Բոդնարուկը, որը 11 հնարավորից վաստակեց 8.5 միավոր: Հայ շախմատիստուհիներից լավագույն արդյունքը ցույց տվեց Էլինա Դանիելյանը, որը հավաքեց 6.5 միավոր: Սուսաննա Գաբոյանը վաստակեց 6, Մարիամ Մկրտչյանը՝ 5 միավոր:
Հիշեցնենք, որ կայծակնային շախմատի առաջնությունը տեղի կունենա դեկտեմբերի 29-ից 30-ը:
